Patrimòni

Vasta programa que nos vòl parlar lo Verdié.

Vaquí un mot que ne comprend un fum d’autres. Alara per clarificar lo debat, vos prepausi la definicion del pichon Larousse Patrimòni :

  1. Ensem dels bens eretats del o de la maire.
  2. Proprietat, eretatge comun d’una comunitat o d’un grop uman.
  3. Ensem dels caractéris eretatgiairis d’un individú o d’una familha.

E òc ! Vesèm aquí tota l’espandida del mot. Mai qu’aquò, tota la prigondor de la nocion de Patrimòni. Un nom que la raiç en latin es pater.

Trapam dins la definicion los mots de paire, maire, eretatge, comunitat o grop uman. Podèm doncas dire qu’es question aicí de l’eretatge dels paires. Es des nosautres de gardar, servar, valorizar aquel patrimòni.

Atanben, se compren sulcòp que se tracha pas sonque de bastits o de cosina - que solide es ben - mas quitament del tot que fa nòstra vida vidanta.

Perque vivèm cada jorn dins lo Roergue, o Avairon coma volètz, e qu’es la resulta de la vida passada de nòstres aujòls marcada pertot dins cada pèira de cada ostal roergàs tanplan que dins cada biais de pensar, de parlar o de viure.

Mas mesfisatz vos, parlam pas aicí del temps passat sonque lo podetz creire alara : lo patrimòni es quicòm de plan vivent perdeque uèi, nosautres, çò que sèm, çò que fasèm, serà lo patrimòni de deman.

Tòni Corrent (Milhau, març de 2006)