L’associacion Teleòc

L’associacion Teleòc se compausa d’ensenhaires de Calandreta (Escòla immersiva en occitan), de l’Educacion Nacionala e de l’IEO, d’informaticians e d’artistas. Despuèi lo 1/10/07, balha de corses individuals d’occitan compatibles ambe los corses collectius de l’IEO e del CFPO (Centre de Formacion Professionala Occitan).

L’occitan central (lengadocian) es ensenhat ara.
I a de corses en linha (Internet) e per telefòn e corrièl.

L’associacion Teleòc es afrairada a l’Institut d’Estudis Occitans (http://ieo.oc.free.fr o http://ieo-lengadoc.org), associacion reconeguda d’utilitat publica. Sas tòcas son de servar e de faire viure la lenga e la cultura occitanas.
A sa creacion, l’IEO (Robèrt Lafont, Max Roqueta) tornèt prene los objectius del Felibrige (Frederic Mistral, Josèp Romanilha). Mas adoptèt una grafia mens fonetica, mai pròcha de la dels trobadors, donc mai respectuosa de la vertat istorica e de las variantas lengadociana, gascona, lemosina, provençala, eca... En efièch, los trobadors, los poètas en lenga d’òc, avián mesa al punt una “koïné”, una lenga escricha comuna de Limòtges a Marsilha. Aquela grafia es en aplicacion dins las universitats coma las de Montpelhièr e de Tolosa.

En linha
Una sesilha dura 20 a 30 minutas per jorn a pauc près sul siti pagant Moodloc, la primièra plataforma francesa de teleensenhament de l’occitan. Mas totòm se pòt connectar mai longtemps al moment que desira.
I a cinc leiçons a gratís sus www.teleoc.com que podètz assajar. Se marcar al siti còsta 24 € per mes ambe engatjament sus una durada d’una annada.
L’inscripcion es valedoira per un ordinator (= serveire) e sos usatgièrs abituals : membres d’una meteissa familha, d’una meteissa associacion, escolans d’un meteis professor, eca.
I a tanben de tarifas preferencialas a 19 € e 14 € pel mes e de facilitats de pagament (de veire lo siti www.teleoc.com a Inscriptions). Moodloc es previst per de començaires (nivèl A1 del Quadre Europenc Comun de Referéncias per las Lengas).

En octobre 2008, i aurà un autre siti pels confirmats (nivèl A2). Lo nivèl A2 mena a l’examen “l’Escapolaire” del CFPO.Puèi i aurà un autre nivèl en 2009. E un autre encara en 2010.

Moodloc compta 714 paginas Oèb, 224 paginas d’expressions e de reprovèrbis, e 293 exercicis sus 115 leiçons. N’i doás menas, de leiçons :

- 69 leiçons d’estudi de la lenga : ortografia, gramatica, conjugason, vocabulari-formacion dels mots, conversacion ambe caduna un fichièr-son illustrat, de ressorsas escrichas e un exercici interactiu corregit d’ausida.

- 46 leiçons a l’entorn d’un tèma setmanièr :

• siá de lexic. Per exemple l’ostal, los meses, las sasons, eca.
• siá de cultura : lo Carnaval de Limós, la Joanada, la vòta, eca.

Ambe cada leiçon un fichièr-son illustrat, d’exercicis (un cada jorn) corregits l’endeman, levat lo del dimècres qu’es interactiu. Las leiçons sus un tèma setmanièr son pas telecargadas tre la debuta. Apareisson a flor e a mesura del debanament de las setmanas.
I a tanben de nòvas, de “fòrums”, de “chats”, de “blògs” e una messatjariá intèrna.

Per telefòn
L’expression orala se pòt trabalhar per telefòn.
Baste sovent de 4 leiçons, una per setmana pendent un mes.
Los corses per telefòn son generalament en ligason ambe Moodloc mas pas forçadament. Los centres d’interès de l’escolan e sas prioritats professionalas son tanben preses en compte.
Un cors còsta 12 € una mièja-ora (o 11 € a partir de 3 corses pel mes o 10 € a partir de 4 corses pel mes).
Un exercici per mel es corregit per cada cors per telefòn.
I a tanben de tarifas preferencialas a 9, 8 e 7 €.
Los dètz primièrs marcats sus Moodloc auràn drech a de corses setmanièrs a gratís per telefòn !

Maria-Crestina Borgada
Ensenhanta d’occitan en linha
mari@teleoc.com
04-67-88-05-48